ಕನ್ನಡ ವರ್ಣಮಾಲೆ ಮತ್ತು ವರ್ಣೋತ್ಪತ್ತಿ ಸ್ಥಾನ
ಕನ್ನಡ ವರ್ಣಮಾಲೆ
ನಾವು ಮಾತನಾಡುವ ಮಾತುಗಳೆಲ್ಲ ವಾಕ್ಯವಾಕ್ಯಗಳಾಗಿರುತ್ತವೆ. ವಾಕ್ಯಗಳು ಪದಗಳಿಂದ ಕೂಡಿರುತ್ತವೆ. ಪದಗಳು ಅಕ್ಷರಗಳಿಂದ ಕೂಡಿರುತ್ತವೆ.
“ನಾನು ಪಾಠಶಾಲೆಗೆ ಹೋಗಿ ಬಂದೆನು.” ಈ ವಾಕ್ಯದಲ್ಲಿ ‘ನಾನು’, ‘ಪಾಠಶಾಲೆಗೆ’, ‘ಹೋಗಿ’, ‘ಬಂದೆನು’ - ಹೀಗೆ ನಾಲ್ಕು ಪದಗಳಿವೆ. ಒಂದೊಂದು ಪದದಲ್ಲೂ ಅನೇಕ ಅಕ್ಷರಗಳಿವೆ. ‘ನಾನು’ ಎಂಬಲ್ಲಿ ನ್ +ಆ+ ನ್ +ಉ ಎಂಬ ಬೇರೆ ಬೇರೆ ಅಕ್ಷರಗಳಿವೆ. ನಾವು ಕನ್ನಡ ಭಾಷೆಯನ್ನು ಮಾತಾಡುವಾಗ ಇಂಥ ೪೯ ಅಕ್ಷರಗಳನ್ನು ಬಳಸುತ್ತೇವೆ. ಕನ್ನಡದ ಈ ೪೯ ಅಕ್ಷರಗಳ ಮಾಲೆಗೇ ‘ವರ್ಣಮಾಲೆ’ ಅಥವಾ ‘ಅಕ್ಷರಮಾಲೆ’ ಎನ್ನುತ್ತೇವೆ.
ಸ್ವರಗಳು
"ಸ್ವತಂತ್ರವಾದ, ಸ್ಪಷ್ಟವಾದ ಉಚ್ಚಾರಣೆಯನ್ನು ಹೊಂದಿರುವ ಅಕ್ಷರಗಳನ್ನು ‘ಸ್ವರಗಳು’ ಎಂದು ಕರೆಯಲಾಗುತ್ತದೆ." ಕನ್ನಡ ವರ್ಣಮಾಲೆಯಲ್ಲಿ ಒಟ್ಟು ೧೩ ಸ್ವರಗಳಿದ್ದು ಅವುಗಳಲ್ಲಿ ಎರಡು ಅಕ್ಷರಗಳನ್ನು
ಸಂಧ್ಯಕ್ಷರಗಳೆಂದೂ ಕರೆಯಲಾಗುತ್ತದೆ.
ಉದಾ : ಅ ಆ ಇ ಈ ಉ ಊ ಋ ಎ ಏ ಐ ಒ ಓ ಔ (೧೩)
ಸಂಧ್ಯಕ್ಷರಗಳು – ಐ , ಔ
ಸ್ವರಗಳನ್ನು ‘ಹ್ರಸ್ವಸ್ವರ' ‘ಧೀರ್ಘಸ್ವರ' ಮತ್ತು ಪ್ಲುತಸ್ವರ ಎಂದು ಮೂರು ವಿಧಗಳಾಗಿ ವಿಂಗಡಿಸಲಾಗಿದೆ.
* ಹ್ರಸ್ವಸ್ವರಗಳು:- ಒಂದು ಮಾತ್ರೆಯ ಕಾಲದಲ್ಲಿ ಉಚ್ಚರಿಸಲಾಗುವ ಸ್ವರಗಳಿಗೆ ಹ್ರಸ್ವಸ್ವರಗಳು ಎನ್ನುವರು.
ಅವುಗಳೆಂದರೆ- ಅ ಇ ಉ ಋ ಎ ಒ (ಒಟ್ಟು ೬)
ಧೀರ್ಘಸ್ವರಗಳು:- ಎರಡು ಮಾತ್ರೆಗಳ ಕಾಲದಲ್ಲಿ ಉಚ್ಚರಿಸಲಾಗುವ ಸ್ವರಗಳಿಗೆ ಧೀರ್ಘಸ್ವರಗಳು ಎನ್ನುªರ ÀÄ.
ಅವುಗಳೆಂದರೆ - ಆ ಈ ಊ ಏ ಐ ಓ ಔ (ಒಟ್ಟು ೭)
ಇನ್ನು ದೀರ್ಘಸ್ವವನ್ನೇ ಇನ್ನೂ ಎಳೆದು ಉಚ್ಚರಿಸುವ ಅಕ್ಷರಕ್ಕೆ ಪ್ಲುತ ಸ್ವರ ಎಂದು ಹೆಸರು. ಇವು ಮೂರು ಅಥವಾ ಹೆಚ್ಚು ಮಾತ್ರೆಗಳ ಕಾಲದಲ್ಲಿ ಉಚ್ಚರಿಸಲ್ಪಡುತ್ತವೆ.
ಉದಾಹರಣೆ : ಅಣ್ಣಾs ss, ತಮ್ಮಾ ss, ಗೆಳೆಯಾ ss,
ವ್ಯಂಜನಗಳು :
ಸ್ವರಗಳ ಸಹಾಯದಿಂದ ಮಾತ್ರ ಉಚ್ಚರಿಸಲ್ಪಡುವ ಅಕ್ಷರಗಳಿಗೆ ವ್ಯಂಜನಾಕ್ಷರಗಳು ಎನ್ನುವರು. ಕನ್ನಡದಲ್ಲಿ ಒಟ್ಟು ೩೪ ವ್ಯಂಜನಾಕ್ಷರಗಳಿವೆ.
‘ಕ’ ವರ್ಗ - ಕ್. ಖ್, ಗ್, ಘ್, ಙ್,
‘ಚ’ ವರ್ಗ - ಚ್, ಛ್, ಜ, ಝ್, ಞ್,
‘ಟ’ ವರ್ಗ - ಟ್, ಠ್, ಡ್, ಡ್ , ಣ್
‘ತ’ ವರ್ಗ - ತ್, ಥ್, ದ್, ಧ್, ನ್
‘ಪ’ ವರ್ಗ - ಪ್, ಫ್, ಬ್, ಭ್, ಮ್
ಯ್, ರ್, ಲ್, ವ್, ಶ್, ಷ್, ಸ, ಹ್, ಳ್
ವ್ಯಂಜನಗಳಲ್ಲಿ ಒಟ್ಟು ಎರಡು ವಿಧಗಳಿವೆ
೧) ವರ್ಗೀಯ ವ್ಯಂಜನ
೨) ಅವರ್ಗೀಯ ವ್ಯಂಜನ
೧) ವರ್ಗೀಯ ವ್ಯಂಜನಗಳು (೨೫) ‘ವರ್ಗ’ ಎಂದರೆ ಗುಂಪು ಎಂದು ಅರ್ಥ ಈ ವ್ಯಂಜನಾಕ್ಷರಗಳನ್ನು ಕ,ಚ,ಟ,ತ,ಪ ಎಂದು ಉಚ್ಚಾರಣೆಯ ಆಧಾರದ ಮೇಲೆ ಐದು (೫) ಗುಂಪುಗಳನ್ನಾಗಿ ಮಾಡಿರುವುದರಿಂದ ವರ್ಗೀಯ ವ್ಯಂಜನಗಳು ಎಂದು ಕರೆಯುವರು.
(ವರ್ಗೀಯ ವ್ಯಂಜನಗಳು ‘ಕ’ ದಿಂದ ‘ಮ’ ವರೆಗೆ ಒಟ್ಟು – ೨೫ )
ವರ್ಗೀಯ ವ್ಯಂಜನಗಳಲ್ಲಿ ೩ ವಿಧಗಳಿವೆ:
ಅ) ಅಲ್ಪಪ್ರಾಣ
ಬ) ಮಹಾಪ್ರಾಣ ಮತ್ತು
ಕ) ಅನುನಾಸಿಕ
ಅ) ಅಲ್ಪಪ್ರಾಣ (೧೦) :ಕಡಿಮೆ ಉಸಿರಿನಿಂದ ಉಚ್ಚರಿಸುವ ವ್ಯಂಜನಾಕ್ಷರಗಳಿಗೆ ಅಲ್ಪಪ್ರಾಣಾಕ್ಷರಗಳು
ಎನ್ನುವರು.
ಒಟ್ಟು ೧೦ ಅಲ್ಪಪ್ರಾಣಾಕ್ಷರಗಳಿವೆ.
ಕ್,ಚ,ಟ್,ತ್,ಪ್,
ಗ್,ಜ್,ಡ್,ದ್,ಬ್
ಬ) ಮಹಾಪ್ರಾಣ(೧೦):ಹೆಚ್ಚುಉಸಿರಿನಿಂದ ಚ್ಚರಿಸುವ ವ್ಯಂಜನಾಕ್ಷರಗಳಿಗೆ ಮಹಾಪ್ರಾಣಾಕ್ಷರಗಳು
ಎನ್ನುವರು.
ಒಟ್ಟು ೧೦ ಮಹಾಪ್ರಾಣಾಕ್ಷರ ಗಳಿವೆ.
ಖ್, ಛ್,ಠ್,ಥ್,ಫ್
ಘ್, ಝ್, ಡ್ , ಧ್,ಭ್
ಕ) ಅನುನಾಸಿಕ (೦೫) : ‘ನಾಸಿಕ’ ಎಂದರೆ ಮೂಗು, ಮೂಗಿನ ಸಹಾಯದಿಂದ ಉಚ್ಚರಿಸಲ್ಪಡುವ
ಅಕ್ಷರಗಳಿಗೆ ಅನುನಾಸಿಕ ಅಕ್ಷರಗಳು ಎನ್ನುವರು.
ಒಟ್ಟು ೫ ಅನುನಾಸಿಕ ಅಕ್ಷರಗಳಿವೆ.
ಙ್, ಞ್, ಣ್, ನ್, ಮ್
೨) ಅವರ್ಗಿಯ ವ್ಯಂಜನಗಳು (೦೯) :
‘ಯ’ ಯಿಂದ ‘ಳ’ ವರೆಗಿನ ೯ ಅಕ್ಷರಗಳಿಗೆ ವರ್ಗದ ವ್ಯವಸ್ಥೆ ಇಲ್ಲದುದರಿಂದ ಇವುಗಳನ್ನು
ಅವರ್ಗೀಯ ವ್ಯಂಜನಗಳು ಎನ್ನುವರು.
ಯ್ ರ್ ಲ್ ವ್ ಶ್ ಷ್ ಸ್ ಹ್ ಳ್
೩) ಯೋಗವಾಹಗಳು(೦೨):‘ಯೋಗ’ ಎಂದರೆ ಸಂಬಂಧವನ್ನು ‘ವಾಹ’ ಎಂದರೆ ಹೊಂದುವುದು ಬೇರೊಂದು ಪದದ/ಅಕ್ಷರದ ಜೊತೆಗೆ ಸಂಬಂಧ ಹೊಂದಿದಾಗ ಮಾತ್ರ ಇವನ್ನು ಉಚ್ಚರಿಸಲು ಬರುತ್ತದೆ.
ಅನುಸ್ವಾರ (ಂ) ವಿಸರ್ಗ (ಃ)
ವರ್ಣೋತ್ಪತ್ತಿ ಸ್ಥಾನ
ಕನ್ನಡ ವರ್ಣಮಾಲೆಯ ಅಕ್ಷರಗಳು ಬಾಯಿಯಲ್ಲಿ ಬೇರೆ ಬೇರೆ ಸ್ಥಾನಗಳಲ್ಲಿ ಉಚ್ಚರಿಸಲ್ಪಡುತ್ತವೆ. ಆದ್ದರಿಂದ ಆಯಾ ಸ್ಥಾನಗಳ ಹೆಸರುಗಳನ್ನೇ ಈ ಅಕ್ಷರಗಳು ಹೊಂದಿವೆ. ಅಂತಹ ಉತ್ಪತ್ತಿಯ ಸ್ಥಾನಗಳು ಈ ಕೆಳಗಿನಂತಿವೆ.
೧. ಕಂಠ್ಯಾಕ್ಷರಗಳು : ಕ, ಖ, ಗ, ಘ, ಙ, ಅ, ಆ, ಹ, ಃ ಇವು ಕಂಠದಲ್ಲಿ ಹುಟ್ಟುವುದರಿಂದ ಈ ಅಕ್ಷರಗಳಿಗೆ ಕಂಠ್ಯಾಕ್ಷರಗಳು ಎಂದು ಹೆಸರು.
೨. ತಾಲವ್ಯಾಕ್ಷರಗಳು : ಚ, ಛ, ಜ, ಝ, ಞ, ಇ, ಈ, ಯ, ಶ ಇವು ಬಾಯಿಯ ತಾಲುಭಾಗ (ಅಂಗಳಿನ ಮುಂಭಾಗ)ದಲ್ಲಿ ಹುಟ್ಟುವುದರಿಂದ ಈ ಅಕ್ಷರಗಳಿಗೆ ತಾಲವ್ಯಾಕ್ಷರಗಳು ಎಂದು ಹೆಸರು.
೩. ಮೂರ್ಧನ್ಯಾಕ್ಷರಗಳು : ಟ, ಠ, ಡ, ಢ, ನ, ಋ, ರ, ಷ ಇವು ನಾಲಗೆಯ ಮೇಲ್ಭಾಗವಾದ ಮೂರ್ಧ
(ಅಂಗಳ) ದಲ್ಲಿ ಹುಟ್ಟುವುದರಿಂದ ಈ ಅಕ್ಷರಗಳಿಗೆ ಮೂರ್ಧನ್ಯಾಕ್ಷರಗಳೆಂದು ಹೆಸರು.
೪. ದಂತ್ಯಕ್ಷರಗಳು : ತ, ಥ, ದ, ಧ, ನ, ಲ, ಸ ಇವು ದಂತ (ಹಲ್ಲು)ಗಳ ಸಹಾಯದಿಂದ ಹುಟ್ಟುವುದರಿಂದ ಈ ಅಕ್ಷರಗಳಿಗೆ ದಂತ್ಯಕ್ಷರಗಳು ಎಂದು ಹೆಸರು.
೫. ಓಷ್ಠ್ಯಕ್ಷರಗಳು : ಪ, ಫ, ಬ, ಭ, ಮ, ಉ, ಊ, ಂ ಇವುಗಳು ‘ಓಷ್ಠ್ಯ’(ತುಟಿ)ಗಳ ಸಹಾಯದಿಂದ
ಹುಟ್ಟುವುದರಿಂದ ಈ ಅಕ್ಷರಗಳಿಗೆ ಓಷ್ಠ್ಯಗಳು ಎಂದು ಹೆಸರು.
೬. ಕಂಠ್ಯ-ತಾಲವ್ಯಗಳು : ಎ, ಏ, ಐ ಇವುಗಳು ಕಂಠ್ಯ ಮತ್ತು ತಾಲು ಎರಡೂ ಭಾಗದ ಸಹಾಯದಿಂದ
ಹುಟ್ಟುವುದರಿಂದ ಈ ಅಕ್ಷರಗಳಿಗೆ ಕಂಠ-ತಾಲುಗಳು ಎಂದು ಹೆಸರು.
೭. ಕಂಠೌಷ್ಠ್ಯ : ಒ, ಓ, ಔ ಇವುಗಳು ಕಂಠ್ಯ ಮತ್ತು ಓಷ್ಠ್ಯ ಭಾಗಗಳಲ್ಲಿ ಹುಟ್ಟುವುದರಿಂದ ಈ ಅಕ್ಷರಗಳಿಗೆ
ಕಂಠೌಷ್ಠ್ಯಗಳು ಎಂದು ಹೆಸರು.
೮. ದಂತೌಷ್ಠ್ಯ : ‘ವ’ ಎಂಬ ಅಕ್ಷರವು ದಂತ ಮತ್ತು ಓಷ್ಠ್ಯಗಳ ಸಹಾಯದಿಂದ ಹುಟ್ಟುವುದರಿಂದ ಈ
ಅಕ್ಷರಕ್ಕೆ ದಂತೌಷ್ಠ್ಯ ಎಂದು ಹೆಸರು.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ